हिमाल अर्काइभ

संसद सुचारु गर्नका लागि तीन दलहरुबीच बालुवाटारमा भएको छलफलमा सहमति नभएपछि २६ भदौको संविधानसभा बैठक पनि अवरुद्ध भएको छ ।

वैठक शुरु भएपछि तमलोपाका सभासद सर्वेन्द्रनाथ शुक्लाले संविधान निर्माणमा सहमति जुटाउन उच्चस्तरीय राजनीतिक संयन्त्र गठन गर्नु आवश्यक रहेको भन्दै संयन्त्र गठन नहुँदासम्म संसद चल्न नदिने बताएका थिए ।

त्यसपछि विपक्षी दलका सभासदहरु उठेर विरोध जनाएपछि सभामुख सुवासचन्द्र नेम्वाङले बैठक २७ भदौ दिउँसो ३ बजेसम्मका लागि स्थगित गरेका छन् ।

सभामुख नेम्वाङले बैठक सुचारु हुने अवस्था सृजना गर्न सरकार र विपक्षी दलहरुको ध्यानाकर्षण समेत गराएका थिए ।

एमाओवादीले अध्यक्ष पुष्पकमल दाहालको नेतृत्वमा उच्‍चस्तरीय राजनीतिक संयन्त्र गठन गरी त्यसमा मधेश केन्द्रित दलहरुलाई पनि सहभागी गराउनु पर्ने अडान राख्दै अाएको छ । यता सत्तारुढ कांग्रेस र एमालेले संविधानसभा अन्तगर्त संवैधानिक राजनीतिक सहमति तथा संवाद समिति गठन भइसकेकाले संविधानसभा बाहिर अर्को संयन्त्रको औ‍चित्य नभएको बताउँदै आएका छन् । यद्दपी यसअघि आलोपालो नेतृत्व गर्ने गरी तीन दलको मात्रै संयन्त्र गठन गर्ने बारे दलहरुबीच सहमति भएको थियो ।

प्रतिकृया दिनुहोस