प्रेस चौतारीले २१ असोजमा झापाको दमकमा गरेको पत्रकार भेटघाटमा उनले दशैंपछि भट्टराई सरकार ढल्ने दाबी गर्दै भने, “कसैले तानाशाही लाद्न खोज्छ भने त्यस्तालाई फाल्न एमाले सक्षम छ ।”
उपाध्यक्ष अशोक राईलगायतले एमाले छोडेकोमा टिप्पणी गर्दै नेता ओलीले एमालेका कारण पहिचान बनाएका नेताहरुले पहिचान खोज्दै पार्टी छोड्नु मुर्खता भएको दाबी गरे ।

त्यसैगरी एमाले कास्कीले २१ असोजमा आयोजना गरेको कार्यकर्ता भेटघाट कार्यक्रममा महासचिव ईश्वर पोखरेलले वर्तमान सरकारले सजिलै सत्ता नछाड्ने भन्दै राष्ट्रपतिले अन्तरिम संविधानमा भएको अन्तरनिहीत अधिकार प्रयोग गर्नुपर्ने धारणा राखेका छन् । राष्ट्रपतिले विघटित संविधानसभामा रहेका राजनीतिक दलसँगको परामर्शमा समयसीमा तोकेर सरकार बनाउन आह्वान गर्नुपर्ने उनको भनाइ थियो ।

प्रधानमन्त्री भट्टराईको नेतृत्वमा बनेको सरकारले राजनीतिक, संवैधानिक र नैतिक आधार गुमाइसकेको भन्दै यो सरकार दशैं अघि नै हटेर सहमतिको सरकार बन्नुपर्नेमा उनले जोड दिए ।

प्रतिकृया दिनुहोस