पाल्पाका एक शिक्षकले जाली सर्टिफिकेट पेश गरी जागिर खाएको उजुरीमाथि अख्तियारले अनुसन्धान थालेपछि पाल्पामा एक महिनामा २५ जना शिक्षकले राजीनामा बुझाएको जिल्ला शिक्षा कार्यालय पाल्पाले जानकारी दिएको छ ।

स्रोतका अनुसार राजीनामा बुझाउने शिक्षकको संख्या ६० बढी पुग्ने अनुमान गरिएको छ ।

एक शिक्षकले भारतको विश्वविद्यालयबाट जाली सर्टिफिकेट किनेर जागिर खाएको उजुरी परेपछि अख्तियारले जिल्लाका सबै शिक्षकको कागजात तयार पार्न शिक्षा कार्यालयलाई निर्देशन दिएको थियो ।

शिक्षा कार्यालयले कागजात माग्न थालेपछि कारबाहीमा परिने डरले उनीहरुले राजीनामा दिएको बुझिएको छ ।

राजीनामा दिनेमा अधिकांश पेन्सको अवधि पुगेकाहरु रहेका छन् ।

पहिल्यै भातरबाट १२ कक्षा पास भएको प्रमाणपत्र बुझाएका शिक्षकले धेरै पछि नेपालबाट एसएलसी पास गरेको भेटिएको पनि शिक्षा कार्यालय स्रोतले जानकारी दिएको छ ।

देब पचभैया, पाल्पा

प्रतिकृया दिनुहोस