‘सशस्त्र युद्ध’ का बेला माओवादीको ‘हेडक्वार्टर’ भनिएको   रोल्पा  २४ कात्तिकमा पुगेका एमाओवादी अध्यक्ष पुष्पकमल दाहाल अहिले त्यहाँका कार्यकर्तालाई भेटेर उनीहरुको सपना खेर जान नदिने आश्वासन बाँडदैछन् ।

पूर्व लडाकु कमाण्डर नन्दकिशोर पुनको  डाँडागाउँस्थित घरमा २५ कात्तिकको रात बिताएका दाहाल २६ कात्तिक दिउँसो रासीमा आयोजित सभालाई सम्बोधन गर्दैछन् ।

रासीको कार्यक्रम पश्चात् दाहालसहितको टोली नेता वर्षमान पुनको गाउँ जङ्कोट माडिचौरमा बास बसेर २७ कात्तिक विहान सदरमुकाम लिबाङ पुग्ने कार्यक्रम छ । यसअघि, माओवादीले युद्ध घोषणा गरेको रोल्पाको होलेरीबाट भ्रमण थालेका दाहालले ‘जनयुद्धकाल’मा आफू बसेका ठाउँ र बंकर हेर्दै स्थानीयसँग भलाकुसारी गरेका थिए ।

भ्रमणका क्रममा २५ कात्तिकमा होलेरीका स्थानीयसँग भेटघाट गरेलगत्तै नुवागाउँ र गैरीगाउँको टिलाका कार्यकर्तासँग भेटघाट गर्दै द्वन्द्वकालमा हेडक्वार्टर राखिएको घर्तीगाउँ, लोसेबाङलगायतका विभिन्न स्थानका कार्यकर्तासँग दाहालले भेट गरे ।

आफू रोल्पाली जनताको मनोेभाव बुझ्न आएको बताउँदै रोल्पाली जनता र ‘जनयुद्ध’ कालका घाइते अपाङ्ग तथा  शहीद परिवारको सपना कहिल्यै नभुल्ने दाहालले बताए ।

२५ कात्तिकमा रासीको डाँडागाउँमा दाहालले द्वन्द्वका बेला आफू बसेको घर तथा सुरक्षाका लागि बनाइएका बंकरको अवलोकन गरे ।

प्रतिकृया दिनुहोस