सोल्टी होटलमा २६ कात्तिकमा विदेशी कुटनीतिज्ञहरुसँग भएको छलफलमा प्रधानमन्त्री सुशील कोइरालाले संविधान निर्माणका क्रममा देखापरेका अवरोधबारे विदेशी कूटनीतिज्ञलाई जानकारी गराएका छन् ।

छलफलमा कांग्रेस सभापति कोइराला, एमाले अध्यक्ष केपी ओली, राष्ट्रिय प्रजातन्त्र पार्टीका अध्यक्ष पशुपति शम्शेर जबरा लगायतका नेताहरु र विभिन्न राष्ट्रका कूटनीतिज्ञको सहभागिता थियो ।

छलफलपछि सञ्चारकर्मीलाई संक्षिप्त प्रतिक्रिया दिँदै कांग्रेस उपसभापति रामचन्द्र पौडेलले संविधान निर्माणका सम्बन्धमा एमाओवादीले सिर्जना गरेका अवरोधबारे कूटनीतिज्ञहरुलाई जानकारी गराइएको बताए ।

उक्त अवसरमा कूटनीतिज्ञबाट नेपाली जनताको चाहना नयाँ संविधान भएकाले निर्धारित मितिमै संविधान ल्याउन जोड दिइएको उपसभापति पौडेलले जानकारी गराए ।

एमालेका उपाध्यक्ष भीम रावलले संविधान निर्माण प्रक्रियामा देखापरेका अवरोधबारे कूटनीतिज्ञहरुसँग छलफल भएको बताएका थिए ।
रासस

प्रतिकृया दिनुहोस