तस्वीरः दीपक ज्ञवाली

लुम्बिनीको बृहत्तर विकासका लागि संसारभरका देशहरुसँग सहयोग आह्वान गर्दै अन्तर्राष्ट्रिय बौद्ध सम्मेलन सम्पन्न भएको छ । लुम्बिनीको प्रवर्द्रधन, संरक्षण र संवर्द्रधन गरी संसाभर बौद्ध शिक्षाको प्रचारप्रसारमा लाग्नुपर्ने निष्कर्ष निकाल्दै १ मंसीरमा सम्मेलन सम्पन्न भएको हो ।

सम्मेलनले रुपन्देही, कपिलवस्तु र नवलपरासीमा रहेका बुद्धसँग सम्बन्धित पवित्रस्थलहरुको एकीकृत विकासका लागि सहयोगको आह्वान गरेको छ ।

२९ कात्तिकदेखि शुरु भएको सम्मेलनले २३ बुँदे घोषणापत्र पनि जारी गरेको छ । लुम्बिनी लगायत विश्वका पुरातात्विक र आध्यात्मिक महत्वका बौद्ध सम्पदाका बारेमा चेतना अभिवृद्धि गर्ने, संसारभर बौद्ध शिक्षाको प्रचारप्रसार गर्ने, लुम्बिनी र आसपासका क्षेत्रको दीगो विकासका लागि सबैसंग सम्बन्ध बिस्तार गर्ने लगायतका बुँदा घोषणापत्रकमा उल्लेख छ ।

घोषणापत्रमा ३२ देशका ५० भन्दा बढी प्रतिनिधिले हस्ताक्षर गरेका छन् । सम्मेलनमा ३२ मुलुकका ८०० भन्दा बढी बौद्ध विज्ञ तथा बुद्धिजिवीहरुको सहभागिता थियो ।

दीपक ज्ञवाली, बुटवल

प्रतिकृया दिनुहोस