बङ्गलादेशकी प्रधानमन्त्री शेख हसिना वाजेद ९ मंसीर दिउँसो ४ः१५ बजे काठमाडौं आइपुगेकी छन् । वाजेदलाई त्रिभुवन अन्तर्राष्ट्रिय विमानस्थलमा शिष्टाचार महापाल कालीप्रसाद पोखरेल र नेपालका लागि बङ्गलादेशका राजदूत मश्फी बिन्टे शाम्सले स्वागत गरे ।

पाकिस्तानका प्रधानमन्त्री नवाज सरिफ दिउँसो ३ः४५ बजे काठमाडौं आइपुगेका छन् । उनलाई शिष्टाचार महापाल पोखरेल र नेपालका लागि पाकिस्तानका राजदूत अर्सद सउद खोसाले स्वागत गरे ।

त्यसअघि भारतीय प्रधानमन्त्री नरेन्द्र मोदी दिउँसो अपराह्न ३ः३० बजे त्रिभुवन अन्तर्राष्ट्रिय विमानस्थलमा उत्रिएका थिए । उनले ९ मंसीरमै वीर अस्पताल परिसरमा निर्माण गरिएको ट्रमा सेन्टरको उदघाटन गरेका छन् ।

काठमाडौं आइपुग्ने सार्क राष्ट्र प्रमुखहरु

श्रीलंकाका राष्ट्रपति महिन्दा राजापाक्षे (६९) सवैभन्दा पहिले नेपाल अाइपुगेका हुन् । उनी विहान साढे ९ बजे त्रिभुवन अन्तरार्ष्ट्रिय विमानस्थलमा उत्रे लगत्तै लुम्विनी भ्रमणमा निस्केका छन् ।

हिमालखबर
मंगलबार , ९ मंसीर २०७१ २:३३ पम

अफगानिस्तानका राष्ट्रपति असरफ घानी (६५), राजापाक्षेपछि नेपाल अाइपुगे । उनलाई नेपाल सरकारका तर्फबाट उपप्रधानमन्त्री बामदेव गाैतमलगायतका मन्त्रीहरुले स्वागत गरे । घानी विहान पाैने ११ बजे नेपाल अाइपुगेका हुन् ।

यस्तै, माल्दिभ्सका राष्ट्रपति, अब्दुल्ला यमिन (६५) र भुटानका प्रधानमन्त्री छिरिङ तोब्गे पनि नेपाल अाइसकेका छन् ।

सम्बन्धित समाचारः

यस्ता छन् सार्कका कार्यकारीहरु

मोदी चारवटा सैनिक विमानसहित काठमाडौंमा

सार्क राष्ट्र प्रमुखहरुको रोचक पक्ष

श्रीलङ्काली राष्ट्रपतिद्वारा मायादेवी मन्दिरमा पूजा

प्रतिकृया दिनुहोस