रौतहटको करुनिया गाविसबाट १६ मंसीर दिउँसो पाँच भारतीय हतियार र गोलीसहित पक्राउ परेका छन् । उनीहरुको साथबाट २ थान चाइनिज पेस्तोल, १ थान कटुवा बन्दुक, ४ थान म्यागजिन र गोलीहरु बरामद भएको सशस्त्र प्रहरी बल रौतहटका डिएसपि प्रमोद भारतीले बताएका छन् ।

भारतीय नाकाबाट केही अपराधीहरु नेपाल पसेको गोप्य सूचनाको आधारमा निगरानी र चेकजाँच बढाएको सशस्त्र प्रहरी बल रौतहटले अपराधीलाई समात्न सफल भएको हो ।

पक्राउ पर्नेमा भारत शिवगढका ३५ वर्षीय सुनिल कुमार राजपुत, सीतामढीका २१ वर्षीय कन्हैया कुमार सिंह, २० वर्षीय विकास सिंह र विकास कुमार सिंह तथा मोतीहारीका २२ वर्षीय छोटु सिंह रहेको प्रहरीले जनाएको छ ।

सञ्जय साह, रौतहट

प्रतिकृया दिनुहोस