६६ औँ अन्तर्राष्ट्रिय मानवअधिकार दिवसको अवसरमा आयोजित ‘मानव अधिकार राष्ट्रिय महाभेला’मा नेम्वाङ्ले भने, “अब नियमित प्रक्रियाबाट समयमै संविधान ल्याउन गाह्रो हुन्छ,  दलहरूबीच संविधानका विवादित विषयमा सहमति भए प्रक्रिया संशोधन गरी छोट्याएर ८ माघ  गतेभित्रै संविधान जारी गर्न सकिन्छ ।”

उनले संविधानसभाको बैठक सुरु भएको र २८ मंसीरबाटसंविधान लेखनका लागि नियमबमोजिमको प्रक्रिया सुरु गरिने बताए ।

एमालेका बरिष्ठ नेता माधवकुमार नेपालले २०४७ सालको संविधानका कतिपय विषयमा असहमतिका बाबजुद एमालेले संविधान जारी गर्न सहयोग गरेको स्मरण गराउँदै अब एमाओअवादीले त्यो भूमिका खेल्नुपर्ने सुझाव दिए ।

नेकपा–माओवादीका अध्यक्ष मोहन वैद्यले शान्ति प्रक्रियाको सबै पक्षको सहभागिताबिना बन्ने संविधानले द्वन्द्वको समाधान नगर्ने ठोकुवा गरे । कांग्रेसका महामन्त्री कृष्णप्रसाद सिटौलाले ८ माघमै संविधान आउनेमा विश्वस्त रहेको बताए ।

एमाओवादीका उपाध्यक्ष नारायणकाजी श्रेष्ठले आफुहरुले सहमतिमा जोड दिएपनि ८ माघमा प्रकृयाबाट भएपनि संविधान जारी गर्नुपर्ने बताए ।

प्रतिकृया दिनुहोस