प्रधानमन्त्री निवास वालुवाटारमा २५ मंसीरमा बोलाइएको कांग्रेस केन्द्रीय समिति बैठकमा बोल्ने नेताहरुले पार्टी नेतृत्वको आलोचना गरेका छन् । उनीहरुले सरकारको कामकारवाही, नयाँ संविधानका विषयवस्तुदेखि सार्क सम्मेलनमा सुजता कोइरालालाई फस्ट लेडी बनाइएकोबारे समेत आलोचना गरेका थिए ।

नयाँ संविधानको विषयवस्तुमाथि केन्द्रीय नेताहरुले धारणा राख्ने क्रममा पार्टी नेतृत्वले आफुखुशी एमालेसँग साझा धारणाबारे बनाएको भन्दै आलोचना भएको केन्द्रीय सदस्य धनराज गुरुङले बताए । केन्द्रीय सदस्य भिष्मराज आङ्दम्बेले पार्टी सभापतिमाथि नै कार्बाही हुनुपर्ने बताएका थिए ।

उनले अनुशासन आयोगले कार्बाहीका लागि सिफारिस गरेको सुजाता कोइरालालाई सार्क सम्मेलनमा फस्ट लेडी बनाइएकाले सभापतिमाथि पनि कार्बाही हुनुपर्ने माग राखेका थिए । नयाँ संविधानको विषयवस्तु, पार्टी क्रियाशील सदस्यता नविकरणलगायतबारे निर्णय लिन बैठक बोलाइएको कांग्रेसले जनाएको छ ।

वक्ताहरुले बोल्ने क्रम नसकिएपछि २६ मंसीरसम्मलाई बैठक स्थगित गरिएको छ ।

प्रतिकृया दिनुहोस