नेकपा–माओवादीका उपाध्यक्ष सीपी गजुरेलले पार्टीबाट  नेत्रविक्रम  चन्द समूह अलग्गिएपछि  कार्यकर्तामा मनोवैज्ञानिक असर परेको बताएका हुन् । २६ मंसीरमा धनकुटामा आयोजित पत्रकार सम्मेलनमा उनले  चन्द छुट्टिएर जाँदा पार्टीलाई अन्य क्षति भने नपुगेको दाबी  गरे ।

“उनीहरु छुट्टिएर जाँदा संख्यात्मक रुपमा पार्टीलाई खासै फरक परेको छैन,” उनले भने, “मनौवैज्ञानिक रुपमा कार्यकर्तामा भने असर देखिएको छ ।”

उनले अहिलेकै अवस्थामा संविधान जारी गरिए देशमा द्वन्द्व निम्तिने भएकाले संविधानसभा विघटन गर्नुपर्नेमा जोड दिए । “यो संविधानसभाले अग्रगामी संविधान ल्याउन सक्दैन, त्यसैले बिघटन गर्नुपर्छ,” उनले भने ।

उनले तत्काल राष्ट्रिय एकताको सरकार गठन गर्नुपर्ने भन्दै थपे,  “देशलाई निकास दिनका लागि राष्ट्रिय एकताको सरकार गठन गर्नुपर्छ ।”

सन्तोष रुचाल, धनकुटा

प्रतिकृया दिनुहोस