एमाओवादी संसदीय दलको २९ मंसीरमा बसेको बैठकले सहमतीय संविधान निर्माणका लागि संविधानसभामा पुगेको विवादित विषय पुनः सम्वाद समितिमै फर्काउनुपर्ने निष्कर्ष निकालेको छ ।

दलहरूबीच भएको १२ बुँदे सहमति अन्तरिम संविधान, विस्तृत शान्ति सम्झौता र विभिन्न पक्षसँग भएको सहमति तथा सम्झौता नयाँ संविधानको आधार भएकाले सहमति नै उपयुक्त विकल्प भएको ठहर गरेको छ ।

संविधानका विवादित विषयमा सहमति जुटाउन प्रतिवेदनलाई संवाद समितिमै फर्काउनुपर्ने निष्कर्ष निकाल्दै बैठकले बहुमतीय प्रक्रियाबाट लेखिने संविधान अस्वीकार गर्ने निर्णय गरेको एमाओवादीका प्रमुख सचेतक गिरिराजमणि पोखरेलले बताए । सङ्ख्याका आधारमा शान्ति सम्झौताका पक्षधरलाई पेलेर संविधान जारी गरिए त्यसको सशक्त प्रतिरोध गर्ने निर्णयसमेत बैठकले गरेको उनको भनाई थियो ।

प्रतिकृया दिनुहोस