गृहमन्त्रालयले विज्ञप्ति जारी गर्दै कुनै पनि बहानामा कुनै व्यक्ति वा सङ्घसंस्था, उद्योग व्यवसाय आदिबाट जबरजस्ती चन्दा मागेको पाइएमा त्यस्तालाई कारबाही गर्न स्थानीय प्रशासन तथा प्रहरीलाई निर्देशन दिइएको जनाएको छ ।

केही दिनयता विभित्र राजनीतिक दल तथा सङ्घसंस्थाको नामबाट सर्वसाधारण नागरिक, कर्मचारी, शिक्षक, उद्योगी, व्यवसायीहरूसँग जबरजस्ती चन्दा माग गर्ने गरेको भनी विभित्र सञ्चारमाध्यममा प्रकाशित गुनासो प्रति मन्त्रालयको ध्यानाकर्षण भएको विज्ञप्तिमा उल्लेख छ ।

डर, त्रास दवाब वा धम्की दिई चन्दा उठाउने प्रवृत्तिलाई पूर्णतया नियन्त्रण र कडा कारवाही गर्न स्थानीय प्रशासन र प्रहरीलाई गृहले निर्देशनसमेत दिएको छ । रासस

प्रतिकृया दिनुहोस