मानव अङ्ग प्रत्यारोपन केन्द्र भक्तपुरले मिर्गौला दान गर्नेमा ८० प्रतिशत महिला रहेको जनाएको छ । केन्द्रले मिर्गौला दान गर्नेमा पुरुषको सङ्ख्या अत्यन्तै न्यून रहेको केन्द्रको भनाइ छ ।

पुरुषले मृर्गौला दान नगर्ने भएकाले केन्द्रले पुरुषले मृर्गौला दान गरेमा उपचार खर्चमा रु.५० हजार छुट दिन शुरु गरेको छ । केन्द्रका निर्देशक डा. पुकारचन्द्र श्रेष्ठले मिर्गौला दान गर्नेमध्ये ८० प्रतिशत महिला र २० प्रतिशत मात्रै पुरुष रहेको बताए ।

उनले पुरुषको सङ्ख्या वृद्धि गर्न केन्द्रले उपचार खर्चमा लाग्ने रकममध्ये रुं५० हजार छुट दिन शुरु गरेको जानकारी दिए ।

केन्द्रका अनुसार अहिलेसम्म ४८ जना पुरुष र आठ जना महिला गरी ५६ जनाको मिर्गौला प्रत्यारोपण गरिएको छ । प्रत्यारोपण गर्नेमध्ये मिर्गौला दान गर्ने ४३ जना महिला र १३ जना पुरुष रहेका छन् ।

केन्द्रमा मिर्गौला प्रत्यारोपणका लागि उपचार खर्च रु.३ लाख ५० हजारको हाराहारीमा लाग्ने गर्छ ।

मिर्गौला दानमा पुरुषलाई पनि सक्रिय बनाउन सके मिर्गौलाका धेरै रोगीले मिर्गौला नपाएर ज्यान गुमाउनुपर्ने अवस्था नआउने केन्द्रका निर्देशक डा. श्रेष्ठको भनाइ छ ।
रासस

प्रतिकृया दिनुहोस