५४ जना तिब्बतीलाई जिल्ला प्रशासन कार्यालय सोलुखुम्बुले काठमाडौं जान रोक लगाएको छ ।

जुनवेशीस्थित थुप्तेन छोलिङ गुम्बामा बस्दै आएका तिब्बती बौद्ध धर्मावलम्बीहरु पूजापाठका लागि भन्दै १५ पुस विहान सडक मार्गबाट काठमाडौं जाँदै गर्दा प्रहरीले रोकेको हो ।

उनीहरु ‘हिमाल तराई’ र ‘दूधकुण्ड यातायात सेवा’को जीप रिजर्भ गरी सल्लेरीबाट काठमाडौं हिडेका थिए । परिचयपत्र तथा अनुमति पत्र नभएको र स्थानीय प्रशासनलाई पूर्व जानकारी नदिइएकाले काठमाडौं जानबाट रोक लगाईएको प्रमुख जिल्ला अधिकारी झंकनाथ ढकालले बताए ।

तिब्बतीयनहरुले आफुहरु कुनै शंकास्पद गतिविधिमा नभई काठमाडौंस्थित बौद्ध गुम्बामा घुमफिर र पूजापाठका लागि जान लागेको बताएका छन् ।

चीन स्वशासित क्षेत्र तिब्बतका नागरिकहरु सोलुखुम्बुको जुनबेशीस्थित थुप्तेन छोलिङ गुम्बामा लामो समयदेखि बस्दै आएका छन् ।

सरकारले चीन विरोधी गतिविधि हुनसक्ने भएकाले तिब्बती शरणार्थीहरुमाथी कडा निगरानी राख्दै आएको छ ।

बुद्धबीर बाहिङ, सोलुखम्बु

प्रतिकृया दिनुहोस