सिमारमा रात्रिकालीन उडानका लागि झण्डै दुई बर्षसम्मको तयारी सम्पन्न भएको छ । काठमाडौंबाट रात्रीकालीन परीक्षण उडानमा आएको बुद्ध एयरको विमान साँझ ५ः४५ बजे सिमरा विमानस्थलमा अवतरण गरी साँझ ६ः४५ बजे काठमाडौंतर्फ उडेको छ ।

सिमरा विमानस्थल प्रमुख परवेज आलम सिद्दीकीले उक्त उडान पहिलो रात्रिकालीन परीक्षण उडान भएको बताए ।

परीक्षण उडानमा राजधानीबाट आएका नागरिक उड्डयन प्राधिकरणका निर्देशक महेशकुमार बस्नेतका अनुसार रात्री उडानका लागि आवश्यक एप्रोच लाईट , पपी लाईट, मौसम र दिशानिर्देश गर्ने जस्ता सम्पूर्ण उपकरणहरु जडान भइसकेको र अब सिमरामा रात्रीकालीन उडान हुनसक्ने पुष्टी भएको जानकारी दिए ।

विमानस्थल प्रमुखले अर्को साताबाट सिमरा विमानस्थलमा नियमित रात्री उडान शुरु हुने जानकारी दिए ।

सिमरा विमानस्थलमा रात्री उडानको लामो प्रतिक्षा गरिरहेका यस क्षेत्रका उद्योगी, व्यवसायी र सर्वसाधारण समेत हर्षित भएका छन् ।

अहिले काठमाडौं बाहेक विराटनगर, भैरहवा र नेपालगञ्ज विमानस्थलमा रात्री उडान हुने गरेको छ ।
श्याम गुप्ता, बारा

प्रतिकृया दिनुहोस