राजधानीमा आयोजित पुस्तक प्रदर्शनीको असोज २८ मा अवलोकनपछि पूर्वप्रधानमन्त्री नेपालले संविधानसभा पुनःस्थापनाले मुलुकलाई निकास दिन नसक्ने भन्दै  पुनःस्थापनाको चर्चालाई बेमौसमी बाजा भने ।

वर्तमान कामचलाउ सरकारको नेतृत्वमा नयाँ निर्वाचनमा जान नसकिने भन्दै उनले यस सरकारको बहिर्गमनपछि मात्रै नयाँ निर्वाचनको ढोका खुल्ने र दलहरूका बीचमा राजनीतिक सहमति कायम हुने धारणा राखे ।

नेता नेपालले मुलुकलाई निकास दिन दलहरू असफल भएमा राष्ट्रपतिले राजनीतिक दलहरूको सहमति र विश्वास जितेर उचित कदम चाल्नुपर्ने पनि वताए ।

प्रदर्शनी अवलोकनका क्रममा रु पाँचहजार ९८२ मूल्य बराबरका विभिन्न लेखकका २५ थान पुस्तक किनेका  नेता नेपालले पुस्तक अध्ययनमा रुची भए पनि राजनीतिक नेतृत्वमा भएकाले धेरै पुस्तक पढ्न नपाएको बताएका थिए । रासस

प्रतिकृया दिनुहोस