तस्वीरः सानुबाबु तिमिल्सिना

एमाओवादी अध्यक्ष पुष्पकमल दाहालले सबै दलले त्याग र लचकता देखाए संविधान जारी हुने बताएका छन् । १७ पुसमा चौंथो धादिङ महोत्सवको समामानमा बोल्दै उनले सबै दलले लचकता देखाए अझै संविधान जारी हुन सक्ने संभावना रहेको बताएका हुन् ।

उनले अब कांग्रेस–एमालेले लचकता देखाउनुपर्ने बताए । उनले भने, “पहिलो संविधानसभामा पहिलो पार्टीको हैसियतले धेरै त्याग गरेका थियौं, अब पहिलो र दोस्रो पार्टी कांग्रेस–एमालेले त्याग गर्न सक्नुपर्छ ।”

माघमा संविधान जारी गर्नुपर्नेमा कुनै दुविधा नभएको उनको भनाइ छ । उनले संविधान जारी गर्न सबै दलको उत्तिक्कै जिम्मेवारी रहेकोमा जोड दिए ।

“दलहरुबी अझै पनि सहमति जुट्ने संभावना छ, सहमति जुटेमा तोकिएकै समयमा संविधान जारी हुन्छ,” उनले भने ।

सानुबाबु तिमिल्सिना, धादिङ

प्रतिकृया दिनुहोस