२३ पुसमा प्रधानमन्त्री निवास बालुवाटारमा आयोजित चारपक्षीय बैठकमा एमाले अध्यक्ष केपी ओलीले आफूहरुलाई होच्याएको भन्दै संयुक्त लोकतान्त्रिक मधेशी मोर्चाले उनले माफी नमाग्दासम्म एमालेसँग वार्तामा सहभागी नहुने निर्णय गरेको छ ।

संविधानका विवादित विषयमा छलफलका लागि प्रधानमन्त्री सुशील कोइरालाले २३ पुसमा बालुवाटारमा बोलाएको नेपाली कांग्रेस, नेकपा एमाले, एमाओवादी र मधेशी मोर्चाका शीर्ष नेताहरु सहभागी बैठकमा प्रदेशहरु निर्माण गर्दा तराईका पाँच जिल्ला मधेशबाट अलग हुन नदिने सदभावना पार्टीका अध्यक्ष राजेन्द्र महतोको मागलाई अस्वीकार गर्दै ओलीले ‘बेतुकको कुरा’ र ‘के समथर भूभाग सबै मधेशमै राख्ने भए युपी र बिहारलाई पनि मधेशमा मिसाउने ?’ भनेको र उक्त अभिव्यक्तिले आफूहरुको अपमान भएको मोर्चाले ठहर गरेको छ ।

मोर्चाका ६ जना नेताहरुद्वारा हस्ताक्षरित विज्ञप्तिमा भनिएको छ, “…संयुक्त लोकतान्त्रिक मधेशी मोर्चा नेकपा एमालेसँग वार्तामा सहभागी नहुने तर बाँकी दलहरुबीच वार्तालाई जारी राख्ने निर्णय गर्दछ ।”

प्रतिकृया दिनुहोस