बन्द खुलाउँन डडेल्धुरामा निस्किएका युवाहरु

दलीय वार्तामा एमाओवादी मोर्चाले उठाएको अजेण्डा अनुसार संविधान बनाउन कांग्रेस र एमाले तयार नभएको भन्दै चरणबद्ध रुपमा गर्दै आएको आम हड्ताल प्रतिकार गर्न व्यापारी र अधिकारकर्मीहरु सडकमै उत्रिएका छन् ।

२८ पुसमा तराईमा आह्वान गरेको बन्दको प्रतिकार गर्न व्यापारीहरु सडकमै उत्रेपछि मोर्चाका कार्यकर्तासँग झडप समेत भएको छ । झापामा व्यापारीले प्रतिकार गर्ने क्रममा बन्द गर्दै हिडेका मोर्चाका कार्यकर्ता घाइते भए भने लाहानमा झडप हुँदा पूर्वमन्त्रीसहित पाँच जना घाइते भए ।

यता, डडेल्धुरामा बन्द विरुद्ध सर्वसाधरण नै उत्रिए । सर्वसाधरण सडकमै उत्रेपछि बन्द खुलेको थियो । यसबाहेक अन्य ठाउँमा मोर्चाले कतै आंशिक वा पूर्ण बन्द हुँदा जनजीवन नराम्रोगरी प्रभावित बनेका छन् ।

मोर्चाकै नेतृत्व गरिरहेको एमाओवादी नेता बाबुराम भट्टराई संयोजक रहेको संवैधानिक राजनीतिक सम्वाद तथा सहमति समितिको बैठकमा सहमतिको प्रयास भइरहेका बेला केन्द्रले आह्वान गरेको बन्दलाई आफ्नै कार्यकर्ताको पनि पूर्ण समर्थन थिएन ।

सम्वाद समितिकाे बैठकमा कांग्रेस एमालेलगायतका नेताहरुसँग एमाअाेवादीका नेताहरु ।

भट्टराईको जिल्ला गोरखामा बन्द गराउँदै हिडेका पाँच जनाको समूहले मोटरसाइकल तोडफोड गरे । बन्दकर्ता नै नदेखिएपछि मोटरसाइकलमा यात्रारत शंकर बयलकोटीको ग ८ प ८८०४ नम्बरको मोटरसाइकल तोडफोड भएको छ ।

बयलकोटीको मोटरसाइकल गोरखा नगरपालिका–६, खल्लुबोटेस्थित सडकमा मोटरसाइकल तोडफोड गरिएको थियो । यसअघि २७ पुसमा पश्चिमाञ्चल बन्दका क्रममा पोखरा लेकसाइडका आमा समूहले बन्दको प्रतिकार गरेका थिए ।

एमाअाेवादीले सहमति नभए संविधानसभा, सडक र वार्तामार्फत कांग्रेस–एमालेसँग भीड्ने निर्णय गरिसकेकाे छ ।  एमाअाेवादीकाे याे दाेहाेपनले लगभग कुरा मिलिसकेकाे विवाद सुल्झन सकेकाे छैन ।

दलीय सम्वादमा बसेकाे एमाअाेवादी माेर्चा अाम हड्तालसहितकाे कार्यक्रम अायाेजना गरेकाे छ ।

यसैबीच, जनकपुरमा निधन भएका कार्यकर्तालाई शहीद घाेषणा गर्न माग गर्दै २८ पुस साँझ बसेकाे माेर्चाकाे बैठकले पुन: २९ पुसमा तराई बन्दकाे अाह्वान गरेकाे छ ।

प्रतिकृया दिनुहोस