बन्दकर्तादहरुले विराटनगरस्थित सिटी कलेजका शिक्षक र विद्यार्थीमाथि कुटपिट गरेका छन् ।

बन्दकाे उल्लङ्घन गरेकाे भन्दै कलेजका शिक्षकहरु युवराज भण्डारी, धरणी खनाल र भूपराज भट्टराईका साथै उपस्थित विद्यार्थीलाई समेत कुटपीट गरेका हुन् ।

घटनाप्रति सरोकारवाला संस्थाले पत्रकार सम्मेलनमार्फत क्षतिपूर्तिका साथै कानुनी कारबाहीको माग गरेको छ । नेपाल विश्वविद्यालय सङ्घ (नुप्का) र उच्च माध्यमिक विद्यालय सङ्घ (हिसान)ले संयुक्त रुपमा पत्रकार सम्मेलन आयोजना गरी आजको बन्द पूर्व घोषित नभएको अवस्थामा कलेज आएका विद्यार्थीलाई फर्काइदिने काम गर्दागर्दै शिक्षक, विद्यार्थीमाथि हातपात र रोकी राखिएको ना ३ ख ४६८६ नम्बरको बसको सबै सिसा फोरिएको जानकारी गराए ।

पत्रकार सम्मेलन गर्दै हिसानका अध्यक्ष बलराम पन्तले भने, “राज्यसँगको रिस निर्दोष विद्यार्थी र शिक्षकमाथि पोख्नु कहाँसम्म उचित थियो ?”

प्रतिकृया दिनुहोस