आइसिसी वर्ल्ड क्रिकेट लिग डिभिजन–टु को पहिलो खेलमा नेपाललाई युगान्डाले १४७ रनको लक्ष्य दिएको छ ।

नामिबियाको एफिज पार्कमा टस हारेर फिल्डिङको निम्तो पाएको नेपालले एक बल बाँकी छँदै ४९.५ ओभरमा १४६ रन दिएर युगाण्डालाई अलआउट गरेको हो ।

नेपालका तर्फबाट कप्तान पारस खड्काले पहिलो तीन विकेट, शक्ति गौचनले चौथो विकेट, वसन्त रेग्मीले दुई विकेट, सोमपाल कामीले दुई विकेट लिएका हुन् । भने दुईवटा रन आउट भएका हुन् ।

कप्तान खड्काले उत्कृष्ट प्रदर्शन गर्दै ७ ओभरमा ३ मेडनसहित मात्र ६ रन दिएर तीन विकेट लिए ।

पारस खड्काको नेतृत्वमा उत्रेको टीम नेपालमा ज्ञानेन्द्र मल्ल, विनोद भण्डारी, नरेश बुढाएर, शक्ति गौचन, सोमपाल कामी, करण केसी, सुवास खकुरेल, सागर पुन, वसन्त रेग्मी र शरद भेषावकर छन्।

प्रतिकृया दिनुहोस