एमाओवादीका अध्यक्ष पुष्पकमल दाहालले प्रश्नावली समितिको प्रक्रिया दलहरुबीच सहमति नभएसम्म स्थगित गर्ने भए वार्तामा बस्न तयार रहेको बताएका छन् ।

उनले २८ माघमा नेपाली कांग्रेसका सभापति सुशील कोइराला र नेकपा एमालेका अध्यक्ष केपी ओलीसँग फोन वार्तामा यस्तो बताएका हुन् ।

नागरिक अगुवाहरुसँगको भेटमा उनले फोन गरेर प्रश्नावली समितिको प्रक्रिया स्थगित गर्न माग गरेका हुन् । दाहालले भने, ‘‘केही दिन होइन, सहमति नभएसम्म प्रश्नावली समितिको काम रोक्ने हो भने वार्तामा बस्छौं ।’’

संविधानसभाका अध्यक्ष सुवासचन्द्र नेम्वाङले दलहरुलाई सहमतिका लागि १० दिनको समय दिएका छन् ।

प्रतिकृया दिनुहोस