नेपालकाे दुर्गम र सहरी क्षेत्रबीचका अाैसत आयुदरमा ठूलो अन्तर देखिएकाे छ ।

काठमाडाैंबासीकाे अाैसत अायु ८२ वर्ष छ भने जुम्लाको ३६ वर्ष मात्रै छ । नेपालकाे अाैसत अायु भने ७० बर्ष रहेकाे छ ।

तेस्रो स्वास्थ्य दिवसमा अवसरमा आयोजित कार्यक्रममा महानिर्देशक सेनेन्द्रराज उप्रेतीले सहरी क्षेत्र र दुर्गम क्षेत्रबीचका आयुदरमा ठूलो अन्तराल देखा परेको बताए । उनले असमान आयुदर कम गर्न मन्त्रालयले स्वास्थ्य सेवालाई थप प्रभावकारी बनाउन विभिन्न तहमा २१ हजार जनशक्ति थप गर्न लागेको बताए ।

विश्व स्वास्थ्य संगठनका अनुसार नेपालमा प्रतिदश हजार जनसङ्ख्यामा एक चिकित्सक पर्छन् । सङ्गठनका मापदण्डमा १५ जनामा एक चिकित्सक हुनुपर्ने प्रावधान छ ।

विभागले आठ हजार चिकित्सक, नर्स, जनस्वास्थ्य अधिकृत, सहायक जनस्वास्थ्यलगायत दरबन्दी थपका लागि विभिन्न निकायबाट स्वीकृत पाइसकेको तथा बाँकी १४ हजार दरबन्दी तेस्रो स्वास्थ्य सेवा रणनीति कार्यान्वयनका क्रममा थप गर्न लागेको छ । सबै उपस्वास्थ्य चौकी स्वास्थ्य चौकीमा स्तरोन्नति भइसकेकाले ती जनशक्ति आवश्यक परेको हो ।

विभागले तीन हजारभन्दा बढी स्वास्थ चौकीमा एक छात्रवृत्तिमा अध्ययन गरेका र एक दरबन्दीमा रहेका दुई चिकित्सक, तीन नर्स, अहेबलगायत जनशक्ति, आवश्यक उपकरण र औषधि पु¥याउने महत्वकाङ्क्षी योजना कार्यान्वनको तरखर गर्दैछ ।

प्रतिकृया दिनुहोस