खुलामञ्चमा आयोजित आमसभामा मजफो लोकतान्त्रिकका विजय गच्छदार र एमाओवादीका पुष्पकमल दाहाल । तस्वीर: देवकी बिष्ट

३० दलीय मोर्चाको प्रमुख घटक मधेशी जनाधिकार फोरमका अध्यक्ष विजय गच्छदारले सहमतीय संविधान निर्माण गर्नका लागि आफूहरु वार्ता गर्न तयार रहेको बताएका छन् ।

मोर्चाले १६ फागुनमा काठमाडौंको खुलामञ्चमा आयोजना गरेको आमसभामा बोल्दै गच्छदारले वार्तालाई  अघि बढाउनुपर्ने भन्दै थपे,  ‘‘सहमती कांग्रेस र एमालेले तोडेको हो, अव सहमतिका लागि सम्वादको वातावरण उनीहरुले नै मिलाउनुपर्छ ।’’

अरु नेताहरु भन्दा नरम रुपमा देखिएका गच्छदारले मुलुकमा शान्ति चाहिएको बताए । उनले भने, ‘‘अव कसैले मर्न नपरोस्, जेल बस्न नपरोस् ।’’ उनले सहमतीय बातावरण नबने मोर्चासँग आन्दोलनको विकल्प नरहेको बताए ।

प्रतिकृया दिनुहोस