एमाओवादी अध्यक्ष पुष्पकमल दाहालले संविधानसभामा कांग्रेस र एमालेले ११ माघमा बहुमतको तरवार चलाएकोले त्यसको डरले संविधानसभाबाट बाहिरिएकोे बताएका छन् ।

“माघ ५मा त्यो तरबार देखेका मात्र थियौं,” उनले भने “११ गते त त्यो चलाइएपछि डराउनै पर्‍यो ।”
सरकाार बिरोधी मोर्चाका संयोजक समेत रहेका दाहालले एमाले र कांग्रेसले बहुमतको अहंकार कायम राखे मुलुक थप राजनीतिक संकटमा फस्ने बताए ।

उनले झापा सहित तराईका पाँच जिल्लालाई त्यहाँँका जनताको भावना बिपरित हुनेगरिको संघीयता बनाउन नहुने धारणा व्यक्त गरेका थिए ।

भmापाको विर्तामोडमा ७०० शय्याका बि एण्ड सी टिचिङ हस्पिटलको सेवा शुभारम्भ सभालाई सम्बोधन गर्दै दाहालले भने,“संबिधान सहमतिको दस्तावेज हो भन्नेकुरा उनीहरुले मान्नुपर्छ र यसअघिका सम्झौताहरुको पालना हुनुपर्छ ।”

उनले संविधानसभालाई आफ्नो नेतृत्वको उपलब्धि भने र त्यसलाई अरुले भजाउन खोज्दा आफुलाई पीडा भएको पनि बताए ।
गोपाल गडतौला, झापा

प्रतिकृया दिनुहोस