पाल्पाको मदनपोखरा तल्लो डुम्रे निरको गौडेपुल अगाडि गुडिरहेको मोटरसाईकललाई माथिबाट खसेको ढुंगोले लाग्दा एक जनाको घटनास्थलमै मृत्यु भएको छ भने तीन जना घाईते भएका छन् ।

दुर्घटनामा मोटरसाइकल चालक मदनपोखरा १ डाँडाडुमका ४० वर्षीय अमृत श्रेष्ठको ज्यान गएको हो ।

मोटरसाइकलमा पछाडि बसेकी मुर्गिया, रुपन्देहीकी २४ वर्षीया अन्जु सारु घाईते भएकी छन् । त्यसैगरी अर्को मोटरसाइकलमा रहेका दुई इटालियन नागरिक पनि घाइते भएका छन् ।

आफ्नो अगाडि जाँदै गरेको मोटरसाइकललाई पहिरो खसेर लडाएको देखेर अत्तालिंदा दुर्घटना भएको उनीहरुको भनाई छ ।

गुडिरहेको मोटरसाईकल छोडेर सडकमै उछिट्टीएका उनीहरुको मोटरसाईकल भने सडक देखि ५० मिटर तल डुम्रे खोलामा खसेको थियो । सामान्य घाईते भएका इटालीयन नागरिकद्वय लुम्बिनी मेडिकल कलेज प्रभासमा उपचारपछि फर्किएका छन् ।

सिद्धार्थ राजमार्ग अन्तर्गत बुटवल पाल्पामा पर्ने गौडेपुल निर धुले पहिरोसँगै खसेको ढुगाले पाल्पा बाट बुटवल जादै गरेको लु २० प ४३ ९२ नम्बरको मोटरसाईकललाई लाग्दा दुर्घटना भएको जिल्ला प्रहरी कार्यालय पाल्पाले बताएको छ ।

देब पचभैया, पाल्पा

प्रतिकृया दिनुहोस