तस्वीर: सुरजकुमार भुजेल

मकवानपुरको मनहरी–३ रमनटारमा दुईवटा बस एकआपसमा जुध्दा ९ जनाको मृत्यु भएको छ ।

काठमाडौंबाट गाइघाटतर्फ गइरहेको ना ५ ख ५०५५ नम्बरको बस र काकडभिट्टाबाट काठमाडौं जाँदै गरेको ना ५ ख ४०६४ नम्बरको बस आपसमा जुध्दा दुर्घटना भएको हो ।

६ जनाको घटनास्थलमा, २ जनाको अस्पताल लैजाने क्रममा र एक जनाको उपचारको क्रममा मृत्यु भएको जिल्ला प्रहरी कार्यालय मकवानपुरका प्रहरी नायब उपरीक्षक बामदेव गौतमले जानकारी दिए ।

दुर्घटनामा परेका घाइतेमध्ये ४ को अवस्था गम्भीर छ ।

तस्वीर: सुरजकुमार भुजेल

घटना बिहान साढे ३ बजे भएको मकवानपुर प्रहरीले जानकारी दिएको छ ।

मृतकमध्ये उदयपुरका विनोद चौधरी र सन्तोष चौधरी (२७) को पहिचान खुलेको छ ।

दुर्घटनामा घाइते ३१ जनाको हेटौंडा स्थित चुरेहिल अस्पतालमा उपचार भइरहेको छ ।
सुरजकुमार भुजेल, मकवानपुर

प्रतिकृया दिनुहोस