थप समाचारसोमबार, बैशाख १४, २०७२

महाभूकम्पः त्रास कायमै, उद्धार जारी (फोटो फिचर)

डम्बरकृष्ण श्रेष्ठ

महाभूकम्पको तेस्रो दिनसम्म पनि त्रास हटेको छैन । राजधानी लगायतका स्थानमा उद्धार, राहत र शव निकाल्ने कार्य जारी छ ।

d3
सरकारले सोमबारसम्म देशभर ४ हजारको मृत्यु र करिब ६ हजार घाईते भएको जानकारी दिएको छ ।

सोमबार राजधानीका विभिन्न स्थानमा स्थलगत रिपोर्टीङमा पुग्दा सबै जसो घरहरु सुनसान छन् भने मानिसहरु नजिकैका खुल्ला स्थानमा पाल टाँगेर बसेका छन् । आईतबार राति भूकम्पको धक्कासँगै पानी परेकाले अधिकांशले रुझ्दै रात कट्नु परेको थियो ।

शहरी क्षेत्रका भग्नावशेष अझै हटाउन सकिएको छैन् । उद्धार भईरहेका क्षेत्रबाट विदेशी टेलिभिजनले प्रत्यक्ष प्रसारण गरिरहेका छन् ।
वसन्तपुर दरबार क्षेत्रका भग्नावशेषबाट शव निकालिंदै छ । सुन्धारा क्षेत्रमा भत्केको धरहरा हेर्न आउनेको घुइँचो छ ।

उता गोंगबु बसपार्क क्षेत्रमा समेत चिनियाँ, भारतीय र नेपाली सेनासहितको उद्धार टोली उद्धारमा संलग्न छ । साँघुरो गल्लीभित्रका घरहरु पूर्ण रुपमा भत्केकाले गल्ली भित्र डोजर लगायतका ह्याभी इक्युपमेण्ट लैजान कठिनाई भईरहेको छ ।

चिनियाँ टोलीले आफूसँगै ल्याएका इलेक्ट्रोनिक्स डिभाईसहरु समेत प्रयोग गरेर उद्धार गरिरहेको छ भने नेपाली सेनाका जवानहरुले भित्री गल्लीको इँटा र ढुङ्गाहरु हटाइरहेका छन् ।

बसपार्क क्षेत्रबाट राजधानी बाहिर जाने सीमित साना गाडी र माईक्रो बस चल्न थालेकाले भीड बढेको छ ।

राजधानी भित्र रहेका खुल्लास्थलहरु सबै मानीसहरुले भरिएकाछन् । खुल्ला मञ्च, रत्नपार्क, टुडीखेल, रंगशाला, माईतीघर मण्डला, भूगोल पार्क तथा ठूला सरकारी कार्यालयहरुका खाली स्थान टेण्ट र पालहरुले भरिएकाछन् ।

कतिपय स्थानमा सरकारले ठूला टेण्टहरु लगाएर पानी र शौचालयको ब्यावस्था गरिदिएको छ ।

शंखपार्क नजिकैको पाकिस्तानी दूतावासको खाली जग्गामा आश्रय लिन पुगेका मानिसहरुले राहत र पाल नपाएको भन्दै सरकारका विरुद्ध नारावाजी समेत गरेका छन् ।

टुडीखेल नजिकै काठमाडौं मल अगाडी मारवाडी समुदायले निशुल्क खाना र पानी वितरण गरिरहेको छ ।

तस्वीरहरु: डम्बरकृष्ण श्रेष्ठ

 

c

d1

d4

d5

 

d7

d8

d9

d10

d11

d12

d13

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...