थप समाचारशुक्रबार, बैशाख २५, २०७२
यी हुन बेलायतकी २० वर्षीया सांसद
बेलायतमा २० वर्षकी माहिरी ब्ल्याक निर्वाचन जितेर पछिल्लो ३५० वर्षकै इतिहासमा सबैभन्दा युवा सांसद बनेकी छन् ।
शुक्रबार घोषित निर्वाचन परिणाम अनुसार स्कटिश नेशनल पार्टी (एसएनपी पार्टी) कि माहिरी ब्ल्याकले लेबर पार्टीका वरिष्ठ नेता एलेक्जेन्डर डगलसलाई हराएकी हुन् ।
निर्वाचन जितेपछि माहिरीले भनिन्, “यो निर्वाचन क्षेत्र र पूरै स्कटल्याण्डका लागि आवाज उठाउनु यो निर्वाचनमा हाम्रो मुख्य मुद्दा थियो । उनले अगाडि भनिन, “म स्कटल्याण्डका लागि मात्रै होइन पुरै युनाइटेड किंगडममा सुधारका लागि प्रत्यत्नशील रहनेछु ।”
फूटबल र संगितकी सोखिन माहिरी ग्लासगो युनिवर्सिटीमा ‘पोलिटिक्स एन्ड पब्लिक पोलिसी’ को अध्ययन् गरिरहेकी छन् ।
सन् २००६ मा निर्वाचनमा उम्मेदवार हुने न्युनतम उमेर सीमा २१ बाट घटाएर १८ वर्षको बनाइएपछि माहिरीलाई सांसद हुने बाटो खुलेको हो ।
यसअघि सन् १६६७ मा १३ वर्षीय क्रिस्टोफर मान्क, सेकेन्ड ड्यूक अफ एलबेमार्ले, सबै भन्दा कान्छा सांसद बनेका थिए ।