अर्थ/बजारशुक्रबार, जेठ १, २०७२

भूकम्पका कारण वीरगञ्ज भन्सारमा राजश्व असुली प्रभावित

हिमालखबर

Birgunj-Bhansar_20101203094928बैशाख १२ गते गएको भूकम्प र त्यसपछि लगातार आईरहेको पराकम्पनका कारण बैशाख महिनामा वीरगन्ज भन्सार कार्यालयको राजश्व असुली आधाभन्दा बढी घटेको छ ।

मुलुकको प्रमुख नाका वीरगञ्ज भन्सार कार्यालयले बैशाख महिनामा लक्ष्यभन्दा ३० प्रतिशत कम राजश्व संकलन गरेको छ ।

बैशाख महिनामा ८ अर्ब २३ करोड १ लाख ५१ हजार रुपैयाँ राजश्व संकलन गर्ने लक्ष्य लिएको वीरगञ्ज भन्सारले ५ अर्ब ६१ करोड ७४ लाख २२ हजार २१७ रुपैयाँ राजश्व संकलन गरेको छ ।

“औसतमा दैनिक ३० देखि ३२ करोड रुपैयाँ राजश्व संकलन भइरहेकोमा भूकम्पपछि यो दर घटेर १४÷१५ करोडमा झरेको छ,” कार्यालयका सूचना अधिकृत सशील शर्माले भने ।

उनका अनुसार भारतबाट पैठारीका लागि आएका मालवाहक ट्रक र कन्टेनरहरु अहिले पनि वीरगन्ज रक्सौल नाकामै थन्किएका छन् । भूकम्पका कारण काठमाण्डौका अधिकांश व्यपारीक गोदाम क्षतिग्रस्त भएको र व्यापारिक प्रतिष्ठानहरु नखुलेका कारण भारतबाट सामानको आयतमा गिरावट आएको प्रमुख भन्सार अधिकृत मित्रलाल रेग्मीले बताए ।

त्यस्तै वीरगञ्ज स्थित सुख्खा बन्दरगाहमा पनि राजश्व अशुलीमा २५ प्रतिशतले कमी आएको कार्यालयले जनाएको छ ।
सुरेश बिडारी, वीरगञ्ज

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...