२ जेठ अपराह्न ५ः१९ बजे दोलखा केन्द्र भएको ५.५ म्याग्निच्यूडको भूकम्प गएको राष्ट्रिय भूकम्प मापन केन्द्रले जनाएको छ ।

यसअघि नुवाकोट, धादिङ, दोलखा र गोरखा केन्द्रबिन्दु बनाएर ४ म्याग्निच्यूड माथिका ५ पराकम्पन गएका थिए ।

स–साना पराकम्पन जाने क्रम जारी रहेको र यसबाट नअतालिन भूकम्पविद्हरुले सर्वसाधारणलाई आग्रह गरेका छन् ।

सामाजिक सञ्जाल, विभिन्न अनलाइन मिडियाहरुमा आइररहेका विभिन्न अड्कलबाजी र हल्लाका पछि नलाग्न पनि उनीहरुले सुझाएका छन् ।

अघिल्ला दिनका तुलनामा पराकम्पन पनि कम हुँदै गएपछि उपत्यकामा चहलपहल बढेको छ भने पसलहरु क्रमशः खुल्न थालेका छन् ।

प्रतिकृया दिनुहोस