पेज थ्रि इन्टरटेनमेन्ट प्रालिको आयोजनामा २७ कार्तिकमा फेस्टिभ फेसन नाइट २०६९ हुने भएको हो  । रिपोर्टस क्लव दाङ शाखाको सहकार्यमा भएको पत्रकार सम्मेलनमा कार्यक्रमबारे जानकारी दिँदै पेज ३ का निर्देशक थम्मन भण्डारीले दशैं तिहारको अवसरमा तुलसीपुर क्षेत्रमा फेसन नाइट कार्यक्रमको आयोजना गरिने जानकारी दिए ।
पेज थ्रि स्थापना भएपछि आयोजना गरेको पहिलो कार्यक्रम मिस दाङको सफलतापछि दोस्रो कार्यक्रमको रुपमा फेस्टिभ फेसन नाइट २०६९ को आयोजना गरिएको निर्देशक भण्डारीले बताए ।

तुलसीपुरस्थित होटेल मानसरोबरमा आयोजना हुने कार्यक्रममा नेपालका ६ जना ब्यावसायिक मोडेल तथा मिस दाङ् विद्या गुरुङसाथै तुलसीपुर क्षेत्रका अन्य मोडेलहरु बिभिन्न पोशाकहरुमा ¥याम्पमा प्रस्तुत हुनेछन् ।

कार्यक्रममा चर्चित गायक सुगम पोखे्रल र गायिका आस्था रावतको प्रस्तुती रहने छ । साँझ ६ बजेदेखि १० बजेसम्म हुने कार्यक्रमको टिकट शुल्क ५ सय रुपैयाँ रहेको छ ।

कार्यक्रमको मिडिया पार्टनरहरुमा गणतन्त्र राष्ट्रिय दैनिक, रेडियो झरना ८८ मेघाहर्ज, शुक्रवार साप्ताहीक, एसटीएन च्यानल र आरसी च्यानल रहेका छन् । पेज ३ इन्टरटेनमेन्ट प्रालिका थम्मन भण्डारी, रुपक थापा, राज राना र नरेश बिकको समुहले कार्यक्रमको आयोजना गरेको हो । 

देविका घर्ती मगर, दाङ्

प्रतिकृया दिनुहोस