विनाशकारी भूकम्पमा घर भत्किँदा ओखलढुङ्गामा २० हजार किसानका एक हजार ८०० क्विन्टल अन्नपात पुरिएको छ ।

जिल्लाको २५ गाविसका घरधुरीले भण्डारण गरी राखेका मकै, कोदो, धान र आलु बढीमात्रामा पुरिएको कृषि विकास कार्यालयले जनाएको छ । हर्कपुर, बरुणेश्वर, खिजित, भुसिङ्गा, जन्तरखानी, रगनी, पात्ले, कटुन्जे, बिलन्दु, टारकेराबारी, गाम्नाटार, फूलबारी र सिंहदेवीका साथै सिद्धिचरण नगरपालिका अधिकांश भवन भत्किएपछि अन्नपात पुरिएर नष्ट भएको हो ।

यसैबीच, भूकम्पपछि हालैको वर्षासँगै परेको असिनाले एक हजार हेक्टर खेतमा लगाइएका मकै र आलुबाली नष्ट भएको कार्यालय प्रमुख कुलप्रसाद अधिकारीले बताए ।

पूर्वाञ्चलमा ओखलढुङ्गाबाहेक सोलुखम्बु, खोटाङ, भोजपुर, तेह्रथुम र उदयपुरमा भवन भत्किए पनि खासै अन्नबाली नष्ट नभएको पूर्वाञ्चल क्षेत्रीय कृषि निर्देशनालय विराटनगरका प्रमुख तेजबहादुर सुवेदीले बताए ।

प्रतिकृया दिनुहोस