पूर्वसांसद गोपालप्रसाद कोइरालाको निधन भएको छ । कलेजोमा खराबीआएर थलिएका ८४ बर्षीया पूर्व सांसद कोइरालाको २३ जेठ राति बिराटनगरस्थित निबासमा निधन भएको हो ।

२४ जेठ बिहान उनको पार्थिब शरीरलाई कांग्रेस केन्द्रिय सदस्य डाक्टर शेखर कोइरालाले पार्र्टीको झण्डा ओढाई श्रद्धाञ्जली दिए ।

झापा क्षेत्र नम्बर ६ बाट २०५६ को उपनिर्बाचनमा उनी विजय भएका थिए । नेकपा एमाले नेता केपी ओली झापाका दुर्ईवटा निर्बाचन क्षेत्रबाट बिजयी भएपछि उनले राजिनामा दिएको झापा ६ को उपनिर्बाचनमा कोइराला बिजयी भएका थिए ।

भोजपुरको पोखरेबाट २०२८ सालमा झापाको दमक झरेका कोइरालाले भारतको कोलकाताबाट मेडिकल साइन्स अध्ययन गरेका थिए । उनले दमकमा खोलेको कोइराला मेडिकल अझै चालु छ ।

पञ्चायतकालमा पटक पटक हिरासतमा परेका कोइराला झापाका पहिलो पुस्ताका काँग्रेस कार्यकर्ता थिए । उनले झापा दमकका हिमालय उच्च माबि, दमक बहुमुखी क्याम्पस, पृथ्बीमाबि, पशुपतीमन्दिर लगायतका धार्मिक र शैक्षिक प्रतिष्ठान निर्माण र सञ्चालन समितीमा नेतृत्वदायी भुमिका निर्बाह गरेका थिए ।

कोइरालाका तीन छोरा र दुई छोरी छन् । उनको २४ जेठ बिहान बिराटनगरस्थित परोपकार घाटमा अन्त्येष्टी गरियो ।

गोपाल गडतौला, झापा

प्रतिकृया दिनुहोस