इलामको चुलाचुलीमा जंगली हात्तीको आक्रमणमा दुई महिलाको ज्यान गएको छ ।

२७ जेठ बिहान साढे ४ बजे इलाम चुलाचुली–४ तिनकुनेकी ३२ वर्षीया धनमाया लावती र चुलाचुली– ६ पेल्टीमारीकी ४२ वर्षीया प्रिति लिम्बुको हाक्तीको आक्रमणमा ज्यान गएको प्रहरी चौकी चुलाचुलीले जनाएको छ ।

नजिकै रहेको दाजुको घरमा बास बसेकी धनमाया बिहान उठेर आफ्नो घर फर्किदा हात्तीको आक्रमणमा परेकी थिइन । त्यसको करिब आधाघण्टा पछि बिहान ५ बजेतिर गाग्रीमा पानी भर्न छिमेकीको घर पुगेकी लिम्बुलाई पनि हात्तीले आक्रमण गरी ज्यान लिएको थियो ।

दुबै महिलामाथि एउटै हात्तीले आक्रमण गरेको स्थानीयले बताएका छन् ।
गोपाल गडतौला, झापा

प्रतिकृया दिनुहोस