संविधानसभाले १५ दिनभित्र प्रारम्भिक मस्यौदा तयार पार्न निर्देशन दिएपछि मस्यौदा समितिले १२ दिनको कार्यतालिका तय गरेको छ ।

मस्यौदा समितिको पहिलो बैठकले १२ दिनभित्र प्रारम्भिक मस्यौदा तयार बनाउने कार्यतालिका बनाएको हो । सभासद् कृष्णप्रसाद सिटौला सभापति रहेको समितिलाई संविधानसभाले संवैधानिक राजनीतिक सम्वाद तथा सहमति समितिले बुझाएको प्रतिवेदनलाई मस्यौदा बनाउन निर्देशन दिएको छ ।

मस्यौदा समितिको बैठकमा संविधानसभाको बैठक बहिष्कार गरेका साना पाँच दल पनि सहभागी भएका छन् । मधेश केन्द्रीत चार दल र अशोक राई नेतृत्वको संघीय समाजवादी पार्टीका सभासद्हरु बैठकमा सहभागी भएका हुन् ।

प्रतिकृया दिनुहोस