-श्याम गुप्ता, बारा

बीरगञ्जको पथलैया औद्योगिक करिडोर अन्तरर्गत रामपुर–३, बारास्थित डाबर नेपालका एक मजदुरको बोराले थिच्दा मृत्यु भएको छ ।

आज विहान ११ बजेतिर चिनीको बोरा ओसार्ने क्रममा बोराले थिचेर पर्सा चोर्नीका २८ बर्षीय मुकेश रामको मृत्यु भएको प्रहरीले जनाएको छ । अर्का मजदुर ३० बर्षीय सद्दाम अन्सारी गम्भीर घाइते छन् ।

नारायणी उपक्षेत्रीय अस्पतालमा उपचार हुन नसकेपछि घाइते अन्सारीलाई काठमाडौं ल्याइएको छ । डाबर नेपालका प्रशासकीय अधिकृत निरज चौधरीका अनुसार गोदाममा रहेको दश बोरा भन्दा बढी चिनीले थिच्दा मजदुरको मृत्यु भएको हो ।

प्रतिकृया दिनुहोस