-केशव राना, बाँके

नेपाली राष्ट्रिय क्रिकेट टोलीका पूर्वकप्तान एलबी क्षेत्री अहिले बाँकेका बालबालिकालाई क्रिकेट सिकाउन व्यस्त छन् ।

उनको दैनिकी बालबालिकालाई क्रिकेट सिकाउनमै बित्ने गरेको छ । बालबालिकामा क्रिकेटप्रति रुचि बढेको देखेर सिकाउन थालेको उनले बताए ।

‘‘७ देखि १५ वर्ष उमेर समूहका बालबालिकाको समय खेल्ने कुद्ने समय हो’’ उनले भने, ‘‘बालबालिकाको क्रिकेटप्रति क्रेज देखेर क्रिकेट सिकाउन थालेको हुँ ।’’

उनको एउटै सपना छ नेपाली क्रिकेट टोलीले विश्वकपको उपाधी चुमेको हेर्ने । उनी भन्छन्, ‘‘बालबालिका क्रिकेटको जग भएकाले उनीहरुलाई बलियो बनाउन लागेको छु ।’’

उनी जस्तै अन्य खेलप्रेमीहरु मिलेर ‘स्पोर्टस ट्रेनिङ्ग सेन्टर’ सञ्चालनमा ल्याएका छन् । सोही सेन्टरबाट बालबालिकालाई क्रिकेट सिकाउन थालिएको छ ।

सेन्टरमा क्रिकेटका अलावा अन्य भलिबल, फुटबल, बास्केटबल र मार्सल आर्टस जस्ता खेलहरु पनि सिकाइने सेन्टरका प्रबन्ध निर्देशक समेत रहेका क्षेत्रीले बताए ।

प्रतिकृया दिनुहोस