लमजुङ जिल्ला सामुदायिक अस्पतालमा आगलागी भएको छ ।

आगलागीका कारण उपचार र परीक्षणमा प्रयोग हुने यन्त्र, विद्युत आपूर्ति गर्ने युपिएस, वायरिङ, अस्पतालका भित्ता र अन्य सामाग्री जलेका छन् । विरामीको विभिन्न परीक्षण गर्न नसक्दा १९६ जना विरामीलाई फिर्ता पठाउनु परेको अस्पतालले जनाएको छ ।

विद्युत शर्ट भएर लागेको आगोबाट परीक्षण सामाग्री नष्ट भएपछि ‘ल्याब’ को काम ठप्प भएको अस्पतालका निर्देशक डा. विष्णु विष्ट थापाले जानकारी दिए ।

आगोले प्रयोगशाला कक्ष समेत जलेको छ । आगलागी पश्चात विभिन्न रोगका साथै , मुत्र, रगत लगायतको परीक्षण गर्न नसकिएको निर्देशक थापाले बताए ।

आगलागीका कारण मानवीय क्षति भने भएको छैन ।

आगो अस्पतालका कर्मचारी, प्रहरी र स्थानीयबासी मिलेर नियन्त्रणमा लिएका थिए ।

युवराज श्रेष्ठ, लमजुङ

प्रतिकृया दिनुहोस