पूर्व पश्चिम राजमार्ग अन्तरगत नवलपरासीको गैँडाकोट–२ मा मिनी ट्रकको ठक्करबाट दुई जना स्कुले बालिकाको ज्यान गएको छ । दुर्घटनामा थप दुई बालक घाइते भएका छन् ।

नवालपरासीको शिलान्यास चोकबाट भृकुटीचोकतर्फ जाँदै गरेको बा १ ख ७७८५ नम्बरको मिनी ट्रकले गैँडाकोट–२ डाडाँकालिका बचत तथा ऋण सहकारी सस्ंथा लिमिटेड अगाडि सडकछेउमा बसिरहेका ४ जना विदयार्थीलाई ठक्कर दिएको हो ।

महेन्द्र स्मारक निम्न माध्यामिक विद्यालयमा कक्षा ४ मा अध्ययनरत बालिकाद्वय ९ वर्षीय तेन्जिङ्ग गाहा र १२ वर्षीया सुस्मिता परियारको घटनास्थलमै ज्यान गएको प्रहरीले जनाएको छ ।

दुर्घटनामा सोही विद्यालयका कक्षा ७ मा अध्ययनरत १२ वर्षीय दिक्षा गाहा र कक्षा ४ मा अध्ययनरत ९ वर्षीय दिया गाहा घाईते भएका छन् ।
उनीहरुको चितवन मेडिकल कलेजमा उपचार भैरहेको प्रहरीले जनाएको छ ।

ठक्कर दिने ट्रक र चालकलाई प्रहरीले नियन्त्रणमा लिएको छ ।

विद्रोही गिरी, नवलपरासी

प्रतिकृया दिनुहोस