अदालतबाट ३३ लाख रुपैयाँ र तीन वर्ष कैद सजाय तोकिएका मकवानपुरकी तुलसीकुमारी बस्नेत (तुलसा) र हरि बस्नेतलाई प्रहरीले काठमाडौंबाट पक्राउ गरेको छ ।

थाहा नगरपालिका, दामन–५ मा रहेको पालुङ बचत तथा ऋण सहकारी संस्थाका बोर्ड सदस्य तुलसा र हरि लगायतका पदाधिकारीले वचतकर्ताको तीन करोड ६२ लाख ठगी गरी फरार भएका थिए ।

अभियुक्तद्वय तुलसा र हरि बस्नेत ।

प्रहरीको केन्द्रीय अनुसन्धान ब्यूरो (सीबीआई) ले तुलसालाई अनामनगरबाट र हरिलाई नख्खुबाट पक्राउ गरेको हो ।

सहकारीका अध्यक्ष रामबहादुर बस्नेत सहित फरार विरुद्ध बचतकर्ताले जिल्ला अदालत मकवानपुरमा मुद्दा दायर गरेका थिए ।

तुलसालाई जिल्ला अदालत मकवानपुरले २७ जेठ ०७१ मा ३२ लाख ९३ हजार ८ साय २४ रुपैया“ १८ पैसा जरिवाना र तीन वर्È कैद सजायको फैसला गरेको थियो ।

पक्राउ परेका दुवैलाई काठमाडौं जिल्ला अदालतमा पेश गरिएकामा अदालतको आदेश अनुसार सजाय भुक्तानका लागि केन्द्रीय कारागार चलान गरिएको छ ।

उनीहरु सहकारीमा १ हजार १ जना वचतकर्ताको ३ करोड ६२ लाख ३२ हजार ६६ रुपैया“ ठगी गरी फरार भएका थिए ।

सहकारी अध्यक्ष रामबहादुर बस्नेत र उनकी श्रीमती आइतीमाया बस्नेत अझै पनि फरार छन् । अन्य अभियुक्तहरु मिनबहादुर बस्नेत, सरिता बस्नेत, रामहरि विष्ट, सिताराम विष्ट, सुरेन्द्र कार्की, सुरेन्द्र बस्नेत र मनोहर बस्नेत यस अघि नै जेल चलान भइसकेका छन् ।

ठगी गर्ने उनीहरुलाई जनही ३२ लाख ९३ हजार ८ साय २४ रुपैया“ १८ पैसा जरिवाना र सोही बराबरको बिगो भराउने अदालतले फैसला गरेको थियो ।
सुरजकुमार भुजेल, मकवानपुर

प्रतिकृया दिनुहोस