पूर्व सहायकमन्त्री अदनसिंह कठायतको ९२ वर्षको उमेरमा १० असार राति निधन भएको छ ।

पञ्चायतकालमा कृषि तथा खाद्य आपूर्ति सहायकमन्त्री रहेका जुम्ला निवासी कठायतको उपचारको क्रममा कर्णाली स्वास्थ्य विज्ञान प्रतिष्ठान जुम्लामा निधन भएको हो।

एक्कासि मुटु दुखेपछि उपचारका लागि अस्पताल लगिएकोमा उपचारकै क्रममा साँझ मृत्यु भएको उनका छोरा राजु कठायतले जानकारी दिए ।

पञ्चायतकालीन राजनीतिबाट अगाडि आउनुभएका स्वर्गीय कठायतले चन्दननाथ मिडिल स्कुलको स्थापना, २०२२ सालमा नेपाल रेडक्रस सोसाइटी जुम्लाको स्थापना, जुम्ला विमानस्थलका लागि जग्गा दान लगायतका सामाजिक कार्य गरेका थिए ।

केही समय अञ्चलाधीश पनि रहेका कठायत २०३२ सालमा राष्ट्रिय पञ्चायतको सदस्य भएका थिए ।
रासस

प्रतिकृया दिनुहोस