इन्डोनेशियाको मिदानमा भएको विमान दुर्घटनामा परी मृत्यु भएका १४१ जनाको शव बरामद भएको छ ।

मंगलबार दिउँसो भएको दुर्घटनामा विमानमा सवार १२० जना सबैको मृत्यु भएको छ भने विमान दुर्घटना भएको स्थानका अन्य पनि मारिएका छन् ।

स्थानीय टेलिभिजनहरुका अनुसार सेनाको हरक्युलिस विमान त्यहाँको प्रमुख नगरको आवासीय क्षेत्रमा खस्दा हुँदा दुईवटा घर र एउटा कार पनि चपेटामा परेका थिए । त्यसपछि त्यहाँ आगोे दन्किएको थियो ।

इन्डोनेशियाली सेनाका प्रवक्ताका अनुसार विमान उडेलगत्तै दुर्घटना भएको थियो ।

दुर्घटनाको कारण पत्ता नलागे पनि प्रवक्ताका अनुसार विमानका पाइलटले प्राविधिक गडबडी भएको जानकारी दिंदै अवतरणको अनुमति मागेका थिए ।

सन् २००५ मा यसै क्षेत्रमा बोइंग ७३७ दुर्घटना हुँदा १४३ जनाको ज्यान गएको थियो ।

प्रतिकृया दिनुहोस