नेपालका एक किशोर फुटबल खेलाडीलाई युरोपको प्रख्यात फुटबल क्लब मेन्चेस्टर युनाइटेडमा प्रशिक्षणको अवसर प्राप्त भएको छ ।

भर्खरै १३ वर्षमा उक्लिएका झापाका डेनियल डेभिड कटुवाललाई मेनचेस्टर युनाइटेडले छोटो समयको प्रशिक्षण दिने भएको हो ।

८ दिनको छोटो प्रशिक्षण (मेन्चेस्टर समर क्याम्प) मा सहभागी हुन कटुवाल १६ असारमा लन्डन प्रस्थान गरेका छन् ।

क्याम्पमा प्रवेश पाएपछि डेनियलले आठै दिन त्यहाँ कडा प्रशिक्षण लिनुपर्नेछ । उनी चर्चित हेयर स्टाइलिस्ट निल डेभिड कटुवालका छोरा हुन् ।

झापा घैलाडुब्बा–९ लक्ष्मीपुरका डेनियलले गत वर्ष २०१४ मा थाइल्यान्ड पुगेर फुटबलको प्रशिक्षण लिएका थिए । डेनियलले थाइल्यान्डको प्रिमियर एकेडेमीमा दुई महिना लामो फुटबल प्रशिक्षण लिएका थिए ।

उनलाई स्कटल्यान्डका कोच केभिनले प्रशिक्षण दिएका थिए । उनी बैंककमै भएको क्रिसमस ट्रफी प्रतियोगितामा समेत सहभागी भएका थिए ।

प्रतियोगितामा डेनियलले उत्कृष्ट खेल प्रदर्शन गरेर प्रशिक्षक केभिनको मन जितेकाले केभिनले उनको खेलको प्रशंसा गरेका थिए । डेनियल हाल भने फुटबलर राजु शाक्यबाट नेसनल फुटबल एकेडेमी बानेश्वरमा प्रशिक्षण लिइरहेका थिए ।

पिता निल डेभिडका अनुसार डेनियलले आगामी डिसेम्बर महिनामा इटालीको एक विश्वविख्यात फुटबल एकेडेमीबाट पनि फुटबल प्रशिक्षण लिनेछन् ।
रासस

प्रतिकृया दिनुहोस