समाचारशुक्रबार, आषाढ १८, २०७२
कम्पनी रजिस्टारको शाखा कार्यालय बन्द
पूर्वाञ्चलमा सहज सेवा उपलब्ध गराउन विराटनगरमा खोलिएको कम्पनी रजिस्टारको शाखा कार्यालयमा कर्मचारी नभएपछि बन्द गरिएको छ ।
विराटनगरको पिचरामा एउटा कोठा भाडामा लिएर खोलिएको सो कार्यालय काम नै नगरी बन्द गरिएको छ ।
उद्योग मन्त्री महेश बस्नेतले उक्त कार्यालय गत १३ कात्तिकमा शुभारम्भ गरेका थिए । तर कार्यालय सञ्चालन शुरु भएसँगै काजमा आएका कार्यालयका प्रमुख खगेन्द्र जोशी केही महिनामा काज फिर्ता भए ।
अर्का कार्यालय प्रमुख राधेश्याम गिरी आए । उनी पनि केही समयपछि सरुवा भएर अन्यत्रै गए । त्यसयता कार्यालयमा कुनै पनि कर्मचारी नआएपछि बन्द गरियो ।
पूर्वाञ्चलमा कम्पनी दर्तालगायत अन्य काम गर्न सहज हुने उद्देश्यले स्थापना गरिएको कार्यालय कर्मचारी नभएपछि बन्द गरिएको घरेलु तथा साना उद्योगका कर्मचारी श्याम दाहालले बताए ।
बिना बजेटको कार्यालयमा कर्मचारी नबसेको जानकारी आएको दाहालको भनाइ छ ।
प्रतिकृया दिनुहोस
ताजा अपडेट
हिमालखबर जनमत
