राजकुमार गुप्ता र उनको पसलबाट बरामद लागूऔषध ।

पेडाका लागि चर्चित सप्तरीको बरमझियास्थित एक पेडा पसलबाट प्रहरीले लागू औषध बरामद गरेको छ ।

पूर्वक्षेत्रीय प्रहरी कार्यालय विराटनगर र इलाका प्रहरी कार्यालय कंचनपुरको संयुक्त टोलीले श्री बाबा बैद्यनाथ पेडा पसलबाट १७ असार राति लागू औषधसहित पसलका सञ्चालक ३२ बर्षीय राजकुमार गुप्तालाई नियन्त्रणमा लिएको छ ।

गुप्ताको पसलबाट ११९ थान नाईट्रोजन, ८४ थान स्पास्मोप्रोक्सिवन क्याप्सुल, २ बोतल कोरेक्स र दुई थान मोवाईल बरामद गरिएको इलाका प्रहरी कार्यालय कंचनपुरका प्रहरी निरीक्षक मेघराज थापाले जानकारी दिए ।

गुप्ताले पूर्वपश्चिम राजमार्गमा चल्ने लामो दूरीका बसका चालक तथा सह चालकलाई लागू औषध बिक्री गर्ने गरेको अनुसन्धानबाट खुलेको प्रहरीको भनाई छ ।
श्रवणकुमार देव, सप्तरी

प्रतिकृया दिनुहोस