पुराण उद्घाटन समारोहमा मन्तब्य राख्दै अष्ट्रेलियन मन्त्री जोई बिटिसन्

भूकम्पमा अभिभावक गुमाएका बालबालिकाको सहयोगका लागि अष्ट्रेलियाको साल्सबरी पुनर्बास भएका भुटानी शरणार्थीले महापुराण लगाएका छन् ।

१८ असार बिहान स्थानीय समयानुसार ९ बजे ‘भुटनिज अष्टेलियन एसोसिएसन अफ साउथ अष्टेलिया’का अध्यक्ष लालबहादुर राईले रिवन काटेपछि गुरुपुरोहितहरुले स्वस्ती वाचन गरी पुराण शुरु गरेको पुराण संयोजक हरि पोखरेलले जानकारी दिए ।

श्रीमद्भागवत पुराण उद्घाटन समारोहमा दक्षिण अष्ट्रेलियाको साल्सबरीकी बहुसास्ँकृतिक तथा स्वयंसेवा मन्त्री जोई बेटिसनको पनि उपस्थिति थियो ।

भुटानी सामाजिक संस्था पुण्य फाउण्डेसनले आयोजना गरेको त्रिदिवशिय पुराणमा पुनर्वास भएर अष्ट्रेलिया पुगेका भुटानी पण्डितहरु दिनेश अधिकारी, शान्तिराम ढकाल र गंगाराम भट्टराई वाचक छन् ।

दक्षिणी अष्टेलियामा दुईहजार पाँचसय भुटानी पुनर्वास भएका छन् ।

अष्ट्रेलिया पुनर्बास भएका भुटानीले केहि साता अघि नेपालका भुकम्प पिडितलाई ८ हजार ३३२ अष्ट्रेलियन डलर सहयोग गरेका थिए ।

-गोपाल गडतौला

प्रतिकृया दिनुहोस