बिर्तामोड–६, झापाका एक व्यापारीलाई अपहरण गरी फरौती कागज बनाउने दुई जनालाई प्रहरीले गिरफ्तार गरेको छ ।

व्यापारी रबि अग्रवाललाई अपहरण गरी ६० लाख फरौती कागज बनाउने इलाम नगरपालिका–६, की कमला मास्के (२६) र इलाम नपा–८, का राजदिप सुबेदी (३४) लाई प्रहरीले गिरफ्तार गरेको हो ।

उनीहरुले व्यापारी अग्रबाललाई १५ असार अपह्रान्ह ४ बजे अपहरण गरी ५० हजार लुटेपछि थप ६० लाखका लागि कागज तयार पारेका थिए । नगद लुटेपछि व्यापारी अग्रवाललाई नाङ्गो बनाउर फोटो लिएका थिए ।

इलाका प्रहरी कार्यालय बिर्तामोडले ब्यापारी अग्रवालले दिएको हुलिया जाहेरीको आधारमा २१ असारमा मास्के र सुबेदीलाई गिरफ्तार गरी अदालतमा हाजिर गराएका छन् । उनीहरुलाई बन्धक बनाएर फिरौती लिएको अभियोग लगाइएको बिर्तामोडका प्रहरी नायब उपरिक्षक सञ्जयबहादुर राउतले बताए ।

व्यापारी अग्रवाललाई अपहरणको क्रममा ती महिलाले आफू जुत्ताको कारोबार गर्ने बताई ब्यापारिक बिषयमा सरसल्लाह गर्न भनेर होटलसम्म लगेकी थिइन् । त्यसपछि जवर्जस्ती कोठामा थुनेको प्रहरीलाई अग्रवालले जानकारी गराएका छन् ।

गोपाल गडतौला, झापा

प्रतिकृया दिनुहोस