आइसीसी विश्वकप टि–ट्वेन्टी छनोट प्रतियोगिताको पहिलो खेलमा नेपाल संयुक्त राज्य अमेरिकाको सामना गर्दै मैदानमा उत्रने भएको छ ।

आजदेखि सञ्चालन भएको उक्त प्रतियोगितामा नेपाली टोलीले भोलि शुक्रबार नेपाली समयअनुसार बेलुका ७ बजे आयरल्यान्डको बेलफास्टमा अमेरिकाको सामना गर्ने छ ।

प्रतियोगितामा १४ राष्ट्रको सहभागिता छ ।

नेपालले समूह चरणको खेलमा अमेरिकासहित हङ्कङ, पपुवा न्युगिनी, आयरल्यान्ड, जर्सी र नामिबियासँग प्रतिस्पर्धा गर्नेछ ।
त्यस्तै, प्रतियोगिताको समूह ‘बी’ मा अफगानिस्तान, केन्या, ओमान, क्यानाडा, संयुक्त अरब इमिरेट्स (युएई), स्कटल्यान्ड र नेदरल्यान्ड्स छन् ।

प्रतियोगितामा शीर्ष ६ भित्र पर्न सके नेपालले विश्वकप खेल्ने मौका पाउनेछ । शीर्ष ६ टोलीले सन् २०१६ मा भारतमा हुने विश्वकप ट्वेन्टी–ट्वेन्टी क्रिकेट प्रतियोगिताका लागि छनोट हुनेछन् ।

त्यस्तै, प्रतियोगिताको पहिलो खेलमा आज आयोजक स्कटल्यान्ड र संयुक्त अरब इमिरेट्स (युएई) भिड्दै छन् भने आज नै हुने दोस्रो खेलमा अफगानिस्तान र नेदरल्यान्ड्स आमनेसामने हुनेछन् । रासस

प्रतिकृया दिनुहोस